Dowladda dhexe ayaa shaaca ka qaadday in beeralay dhan 1,431 ay heleen bacrimin qiimihiisu la dhimay.
Waxay ka mid yihiin 4.3 milyan oo beeralay ah oo is diiwaangeliyay.
Xoghayaha joogtada ee waaxda horumarinta dalagga ee wasaaradda beeraha Kello Harsama ayaa sheegay in ilaa iyo hadda la qaybiyay 14,300,000 kiilogaraam oo bacrimin ah.
Waxaa uu sheegay in beeralayda horay loo qabtay toddobo cisho balse ay hadda haystaan muddo bil ah si loo xaqiijiyo in dhammaantood ay helaan agabkan muhiimka ah.
Xoghayaha ayaa intaasi ku daray in dowladda dhexe ay ka go’an tahay sidii ay u dhimi lahayd qiimaha ilaa 500 oo milyan oo ah noocyada kala duwan ee bacriminta.
Diiwaangelinta casriga ee beeralayda ayaa weli ka socoto xafiisyada ku xigeennada guddoomiye xaafadeedyada guud ahaan dalka.
Wasaaradda beeraha ee dalka ayaa laga soo xigtay in beeralayda diiwaangashan ay bacrimin ka iibsan karaan xarumaha iskaashiga qaran ee ganacsiga ee (KNTC) iyo bakhaarrada dalagga lagu keydiyo ee (NCPB).
