Guddiga Adeegga Macallimiinta (TSC) ayaa heshiis cusub oo gorgortan wadareed (CBA) la saxiixday saddexda urur ee macallimiinta dalka, hubinta mushaarka la hagaajiyay, xaaladaha shaqada oo wanaagsan, iyo bixinta daryeelka cusub ee in ka badan 400,000 oo macalimiin dugsi dadweyne ah.
Sida lagu sheegay bayaan la soo saaray, heshiiska afarta sano ah ee 2025 ilaa 2029, ayaa 2-dii bishan July lagu saxiixay Machadka Waxbarashada Gaarka ah ee Kenya ee Nairobi, ka dib hannaan gorgortan oo socday muddo sannad ah oo ay ku lug lahaayeen Ururka Macallimiinta Qaran ee (KNUT), Ururka ay ku midhoobeen Macallimiinta Waxbarashada Hoose ee Kenya (KUPPET), iyo Ururka Waxbarashada Gaarka ah ee Kenya (KNET).
Iyada oo ay ugu wacan tahay taageerada baaxadda leh ee Dowladda ay siiso adeegga waxbarashada, TSC ayaa waxaa ay, sanad maaliyadeedka 2025/2026 shaqaaleysiin doontaa macalimiin dheeraad ah oo ay ku baxayso ila 2.4 Bilyan oo shillin.
Sidoo kale, TSC ayaa waxaa ay dalacsiin doontaa macalimiinta qaybaha kala duwan ee darajooyinka oo ay ku baxayso 1 bilyan oo shillin.
TSC iyo ururada macallimiinta ayaa kala saxiixday heshiis gorgortan wadareed CBA oo dhan 33,753, 372,108 oo lagu bixin doono muddo afar sano ah.
Guddiga TSC ayaa sheegtay in abaal marintan loogu talagalay in lagu soo koobo farqiga mushaharka ee u dhexeeya macallinka ugu mushaarka badan iyo kan ugu hooseeya ee adeegga dadweynaha.
