Ciidamada dowlada Soomaaliya oo ay wehlinayaan kuwa Galmudug & Al-Shabaab ayaa sacaadihii la soo dhaafay ku dagaalamay degaanka Qayacad oo qiyaastii sideed KM u jirta degaanka Bacaadweeyne ee gobolka Mudug .
Taliyaha Ciidanka Dhulka Xoogga Dalka Soomaaliyeed Jeneraal Maxamed Tahliil Biixi oo la hadlay Idaacadda Ciidamadda Qalabka Sida ayaa sheegay in Al-shabaab howlgalkii maanta looga dilay 35 Xubnood iyo Saraakiil halka tiro kale ay ka dhaawaceen.
Taliyaha ayaa xusay in ciidanka xoogga dalka Soomaaliyeed ay Al-Shabaab ka furteen saanad ciidan islamarkaana howlgallada ka dhanka ah ay ka sii socon doonaan degaannada Gobolka Mudug.
Ciidanka xoogga dalka Soomaaliyeed ayaa howlgallo ka dhan ah Al-Shabaab ka wadaa degaano ka tirsan gobolada Mudug iyo Galguduud ee maamulka galmudug howlgaladaasi oo ay qeyb ka yihiin ciidamadda Daraawiishta iyo Nabadsugida Galmudug.
