Ururka ay ku mideysan yihiin waratada ismaamulka Nairobi ayaa ka soo horjeestay go’aan 6-dii bishan Jannaayo looga mamnuucay in ay ku ganacsadaan bartamaha caasimadda waddanka.
Waxay hoosta ka xarriiqeen in ay sameyn doonaan dibadbax ay arrintan uga soo horjeedaan.
Waxay sheegeen in ganacsiga ay ku howlan yihiin ay ku dabbaraan nolosha qoysaskooda sidaasi awgeedna tallaabada cusub ee maamulka Johnson Sakaja ay caqabad ku tahay .
Waratada ayaa loo oggolyahay in maalmaha Isniinta ilaa Jimcada inta u dhexeysa 4-ta galabnimo ilaa 10-ka habeennimo ay ku ganacsadaan meelo gaar ah oo loogu talagalay oo u dhexeeya waddooyinka Tom Mboya ilaa Kirinyaga Road.
Qaar ka mid ah ganacsatada Nairobi oo ay warato ka mid yihiin oo warbaahinta la hadlay ayaa dareenkooda sidatan u muujiyay.
