Ciidamada booliiska ee Bariga ismaamulka Laikipia ayaa wado baaritaanno ku aaddan meydadka labo qof oo haween ah oo la helay.
Galinkii dambe ee Jimcada ayaa meydadkan lagu arkay keynta Ngarendare waxaana jiro tuhun ah in haweenkan la dilay.
Warbixin loo gudbiyay saldhigga booliiska ee Umande ayaa muujinaysa in qof xoolo dhaqato ah uu arkay meydadka.
Waxaa uu booliiska u sheegay in mid ka mid ah uu yaallay dhulka halka midka labaadna uu geed ka laalladay.
Waxaa la rumeysan yahay in labada dumarka ah ee meydadkooda la arkay ay kala ahaayeen 20 iyo 36 sano jir.
Saraakiisha waaxda dambi baarista oo goobta tagay ayaa sheegay in ay soo heleen taleefoonka gacanta , boorso uu ku jira aqoonsiga qaran ee Jane Muthoni Miano , buugaagta yar ee wax lagu qorto, kaararka bangiyada iyo waxyaabo kale.
Labada meyd ayaa la geeyay goobta meydadka la dhigo ee isbitaalka guud ee magaalada Nanyuki si qalliin baaritaan loogu sameeyo oo loo aqoonsado.
