Wakiilka haweenka ee ismaamulka Mombasa Zamzam Maxamad ayaa dowladda ugu baaqday in ay dib u eegto dhaqangelinta caymiska cusub ee caafimaadka bulshada ee SHA oo lagu beddelay nidaamkii hore ee NHIF.
Waxay hoosta ka xarriiqday in lagu degdegay hirgelinta nidaamkan iyadoo aan loo dejin qorsho wax ku ool ah.
Zamzam ayaa sheegtay in hooyooyinka ay caqabado la kulmaan marka ay carruurtooda geeyaan isbitaallada maadaama uu weli culeys ka jiro adeegsiga hannaanka cusub ee caymiska.
