Xoghayaha waaxda arrimaha dibadda ee Maraykanka Antony Blinken oo ay khadka taleefoonka ku wada hadleen madaxweynaha dalka William Ruto ayaa ku boorriyay in maamulkiisa uu qadariyo dimuqraadiyadda si uu u jiro maamul wanaagsan.
Blinken ayaa sheegay in ay lagama maarmaan tahay in aan marnaba lagu xadgudbin ama la caburin xuquuqda ay shacabka u leeyihiin in ay muujiyaan tabashooyinka ay ka qabaan dowladda.
Tani ayaa imaanaysa iyadoo toddobaadyadii ugu dambeeyay ay gudaha Kenya ka dhaceen dibadbaxyo ay dhallinyarada dowladda uga dalbanayeen waxqabad sidoo kalena ay kula xisaabtamayeen madaxdooda.
Blinken ayaa dhanka kale madaxweynaha dalka William Ruto ku bogaadiyay inuu ciidamada ammaanka ku amray in aynan si rabshadeysan ula macaamilin dibadbaxayaasha.
In kastoo qaar ka mid ah booliiska dalka lagu eedeyay in ay awoodo xad dhaaf ah adeegsadeen markii ay dibadbaxyada ka falcelinayeen haddana ka jiro sarkaal ilaa iyo hadda arrintan maxkamad loo soo taagay.
