Militariga Israa’iil ayaa weerarro dhowr ah ka gaystay Ramallah iyo magaalooyinka kale ee ku yaalla Daanta Galbeed ee la haysto ee dalka Falastiin.
Ugu yaraan 7 qof oo Falastiiniyiin ah ayaa lagu dilay duqeymo ay Israa’iil ku bartilmaameedsatay xerada qaxootiga ee Nuseirat.
Wakaaladda wararka ee Falastiin ee WAFA ayaa ku warramaysa in Israa’iil ay sii xoojisay duullaanka militari ee dhanka dhulka ah.
Hay’adda caafimaadka adduunka ee WHO ayaa dhankeeda sheegaysa in tobanaan kun oo Falastiiniyiin ah ay ka qaxayaan bartamaha Qaza iyo magaalada Khan Younis, weerrada halkaasi ka socdo awgood.
Tan iyo 7-dii bishii Tobnaad ee sanadkan , waxay Israa’iil gudaha Qaza ku dishay in ka badan 21,100 qof halka ay dhaawacmeen 55,243 ruux oo dheeraad ah.
