Ugu yaraan 45 ruux ayaa la xaqiijiyay inay ku dhaawacmeen weerar uu Ruushka ka gaystay caasimadda dalka Ukraine ee Kyiv.
Weerarka oo aroornimadii hore ee maanta loo adeegsaday gantaallo ayaa waxaa sidoo kale ku burburay isbitaal carruurta lagu daryeelo.
Ukraine ayaa dhankeeda sheegtay in hannaankeeda difaaca hawada sare uu soo riday dhowr ka mid ah gantaallada Ruushka ee magaala madaxda lagu bartilmaameedsanayay.
Duqa magaalada Kyiv Vitali Klitschko ayaa sheegay in dadka ay ku dhaawacmeen burburka ka dhashay weerarka.
Gantaallada ayaa ku dhacay dhanka bari ee webiga Dnipro river oo caasimadda Kyiv maro.
