Ra’iisul Wasaaraha Soomaaliya Maxamad Xuseen Rooble ayaa waxaa la filayaa in Maanta uu Magaalada Muqdisho ee Caasimadda dalka Soomaaliya ah kulan kula qaato markale Xubnaha Midowga Musharixiinta ee Madaxweynaha Soomaaliya u taagan.
Kulanka ayaa daba socda kulankii dhawaan uu la qaatay ee heshiiska ay ku wada gareen, Ra’iisul Wasaaraha, Midowga Musharixiinta iyo Madaxweynayaasha Maamulada Galmudug & Hir-Shabeelle iyo guddoomiyaha gobolka Banaadir, kaasoo lagu dejinayay xaaladda Magalada Muqdisho.
Wararka la helay ayaa waxaa sheegayaan in kulanka looga hadli doono kaalinta ay Midowga Musharixiinta ku yeelan doonaan wada-hadallada al xiriira arrimaha doorashooyinka ee ku saabsan dhameystirka & dhaqangelinta heshiiskii 17-kii bisha Sagaalaad ee Sanadkii hore ee arrimaha doorashooyinka looga go’aan gaaray.
Kulankii ay dhawaan Muqdisho ku yeesheen Ra’iisul Soomaaliya & Midowga Musharixiinta ayaa waxaa aad u soo dhaweeyay Beesha Caalamka iyo Shacabka Soomaaliyeed maadaama Lagu dajiyay Xilligaas Xaaladdii Magaalada Muqdisho iyo siyaasadii aadka u kala fogayd.
Beesha Caalamka oo dhowr jeer kulan la qaadatay Ra’iisul Wasaaraha Soomaaliya Maxamed Xuseen Rooble ayaa waxaay ka dalbadeen inuu qaato doorkiisa ku aadan wada-hadallada mucaaradka iyo hirgelinta doorashooyinka Qaranka si wadanka ay uga dhacdo doorasho xor iyo Xalaal ah.
