Maxkamadda shaqada iyo shaqaalaha ayaa ururka qareenada wadanka ee LSK u diiday inuu qabto codsiyada la xiriira shaqaaleysiinta xoghaye ku xigeen cusub.
Garsoore Maureen Onyango ayaa sheegtay in aan Florence Wairimu oo hadda xilkan hayso la beddeli karin ilaa iyo inta laga soo gabagabeynaya dacwad maxkamadda hor taalla.
Waxaa maxkamadda dacwadda gaysay Wairimu iyadoo dalbatay in LSK laga hor istaago qorshaha xilka looga qaadaya.
Waxay sheegtay in loogu goodiyay in aan mushaar la siin doonin sidaas awgeedna ay lagama maarmaan tahay in waaxda garsoorka ay amar dul dhigto madaxa ururka qareenada Nelson Havi iyo ku xigeenkiisa.
Kiisaskan ayay mar kale maxkamaddu dhagaysan doontaa 27-ka bishan Toddobaad iyadoo fursad la siinaya dhinacyada kala duwan.
