Agaasimaha guud ee hay’adda duulista rayidka ee dalka ee KCAA Gilbert Kibe ayaa xaqiijiyay wararka ku saabsan diyaarad maanta ku dhacday magaalada Ceelwaaq ee Soomaaliya.
Waxaa uu sheegay in rakaabkii saarnaa diyaaradda oo tiro ahaan dhan 45 qof ay dhammaantood badqabaan .
Diyaaradda oo ay leedahay shirkadda Skyward ayaa saaka ku dhacday magaalada Ceelwaaq ee gobolka Gedo Soomaaliya ka dib markii ay ka baxday dhabaha ay diyaaraduhu caga dhigtaan.
Waxaa ay ka duushay gagida diyaaradaha ee Wilson ee magaala madaxda wadanka iyadoo siday dad tacsi u socday.
Wararka qaar ayaa sheegaya in diyaaradda ay u socotay magaalada Ceelwaaq ee ismaamulka Mandera.
Waxaa soo baxaya warar kale oo tilmaamaya in diyaaradda ay si qaldan ugu degtay garoonka diyaaradaha ee magaalada Ceelwaaq Soomaaliya ka dib markii ay cillad farsamo ku timid.
Wixii ku soo kordho wararka dambe ee idaacadda ayaad ku dhageysan doontaan.
