Dhammaan afar qof oo filim qaadayaal ahaa ee la xiray xalay kaddib markii lagu eedeeyay inay xog been ah faafiyeen , ayaa laga sii daayay saldhigga booliiska ee Pangani.
Afarta qof oo lagu kala magacaabo Nicholas Wambugu, Brian Adagala, Mark Denver Karubiu, iyo Christopher Wamae, ayaa laga soo qabtay istuudiyaha ay ku leeyihiin xaafada Karen ee magaalada Nairobi, waxaana ay Booliska horey u sii qaateen qalabkoodii.
Sida uu sheegay Ezekiel ‘Ezy’ Onyango, oo ah Guddoomiyaha Ururka Xirfadlayaasha Filimada ee (KFPTA), shakhsiyaadkaasi ayaa lagu soo oogay dacwad la xiriirta daabacaadda xog been ah iyo cagajuglayn ay ka wadeen baraha internetka.
Dhinaca kale Warbaahinta laga leeyahay Ingiriiska ee BBC-da ayaa maanta sheegtay in afarta Filim-sameeyayaasha ee Kenyanka ah ee la xiray ka dib markii looga shakiyay in ay ku lug lahayeen Barnaamin ay dhawaan baahisay BBC-da
Bayaan ka soo baxay xafiiska warfaafinta ee BBC ayaa lagu muujiyay in afarta qof aysan ku lug lahayn soo saarista Dokumentary dhawaan lagu soo bandhigay wajiyada ciidamadii toogtay seddax qof oo dibadbaxayaal ahaa kuwaas oo ku sugnaa bannaaka aqalka baarlamaanka ee dalka.
