Kalonzo Musyoka oo sharuudo ku xirey inuu la kulmo Ruto iyo Raila

0
849

Hogaamiyaha Wiper Kalonzo Musyoka ayaa sheegay inuu diyaar u yahay inuu la kulmo madaxweyne William Ruto iyo hogaamiyaha xisbiga ODM Raila Odinga.
Waxaa uu sheegay in kaliya ah uu wadahadalkooda diirada ku saari doono is afgarad ka hor inta aan la magacaabin guddiga cusub ee madaxa banaan ee doorashooyinka iyo xuduudaha (IEBC).
Warqad uu u diray labada hoggaamiye, Kalonzo, , ayaa hoosta ka xariiqay baahida loo qabo in la hubiyo magacaabista saraakiisha iyo hay’adaha doorashada ee aan dhinacna ka tirsanayn.
Wuxuu uga digay Ruto iyo Raila labadaba inay ku dhaqaaqaan magacaabista gudoomiyaha Gudiga doorashooyiinka iyo lixda gudoomiye ee la magacaabay.
Madaxweyne-ku-xigeenkii hore waxa uu ku macneeyey in wada-tashiyadani ay qayb ka ahaayeen heshiisyadii laga gaaray geeddi-socodkii Guddida Wada-tashiga Qaranka (NADCO).
Guddiga doorashada ee IEBC oo uu hogaamiyo Nelson Makanda ayaa hadda wada wareysiyo ku aadan 7-da jago ee banaanaa tan iyo Janaayo 2023.