Wasiirka wasaaradda maaliyadda iyo qorsheynta dhaqaalaha qaranka John Mbadi ayaa sheegay in bartilmaameedka dowladda uu yahay in la yareeyo qiimaha lacageed ee ku baxa deymaha.
Waxaa uu hoosta ka xarriiqay in qorshuhu uu yahay in sanadka 2028-da ,amaahda lagu soo reebo boqolkiiba 57.8 ee kobaca guud ee dhaqaalaha waddanka ee loo yaqaano GDP-ga.
Waxaa uu xusay in la doonaya dardargelinta kobaca dhaqaalaha si loo yareeyo ku tiirsanaanta daymaha shisheeye.
Arrintan ayuu wasiir Mbadi sheegay xilli uu soo bandhigayay istaraatiijiyadda xilliga dhexe ee maareynta deymaha ee sanadkan 2025-ka ee loo yaqaano (MTDS).
Tani ayaa imaanaysa iyadoo hadda walaac laga muujinaya in deymaha ay u dhigmaan boqolkiiba 63.7 ee dhaqaalaha guud ee dalka in kastoo lagu taliyo in aynan ka sare marin hal-beegga ah boqolkiiba 55
