Saraakiisha waaxda dambi baarista dalka qaybtooda ismaamulka Nakuru ayaa baaraya saddex dil oo kala duwan oo ka dhacay deegaannada Bahati iyo Gilgil maalinkii Christmas-ka.
Ciidamada DCI-da ayaa gaaray guri ku yaalla aagga Ngomongo ee Bahati saacado ka dib markii meydka haweeney aan la aqoonsan oo jawaan ku dhex jira laga helay qaybta shaqaalaha ee gurigaasi.
Booliiska ayaa ku raad jooga eedeysanaha oo goobta ka baxsaday.
Sida ay sheegtay Lilies Wachira oo ah taliyaha booliiska ee Waqooyiga Nakuru, eedeysanaha ayaa ka mid ah qoyska qofka la dilay.
Waxaa ay ka codsatay xubnaha bulshada in ay ka waantoobaan falalka dilalka.
Sidoo kale waxaa saldhigga booliiska ee Githioro lagu xiray sarkaal ka tirsan ciidamada militariga ee KDF-ta ka dib markii uu ku dhex dilay saldhiggaasi nin 74 sano jir ah.
Sarkaalkan ayuu fadhigiisu yahay ismaamulka Isiolo.
Dadka deggan deeggaanka Elementaita oo ka tirsan Gilgil ee ismaamulka Nakuru ayaa isugu soo baxay waddooyinka iyagoo muujinayay sida ay uga xun yihiin dilka loo gaystay haweeney 75 sano jir ah oo la kufsaday Arbacadii kadibna la dilay.
