Weerarrada ay ciidamada Israa’iil ka wadaan Qaza ayaa waxaa tan iyo saaka waabarigii lagu dilay in ka badan 15 qof oo Falastiiniyiin ah.
Dhanka kale , hay’adda dhakhaatiirta aan xuduudda lahayn ee MSF ayaa sheegtay in isbitaalka Al-Aqsa Hospital ee magaalada Deir el-Balah ee Bartmaha Qaza uu la mid yahay markab quusaya.
Waxay hay’addu sheegtay in duqeymo ay Israa’iil maalmo ka wadaan magaaladaasi ay sababeen dhimasho iyo dhaawac xad dhaaf ah oo aynan xamili karin saraakiisha caafimaadka ee isbitaalkaasi.
Laga soo billaabo 7-dii bishii Tobnaad ee sanadkii hore waxaa duqeymaha Israa’iil ee Qaza lagu dilay ugu yaraan 36,654 qof oo Falastiiniyiin ah halka la dhaawacay 83,309 kale .
