Maamullada Koonfurta dalka Shiinaya ayaa wado howlgallo ay ku raadinayaan ugu yaraan 70 Yaxaas oo soo baxsaday ka dib markii ay maalmihii ugu dambeeyay daadad halkaasi saameeyeen.
Toddobaadkii la soo dhaafay ayaa waxaa gobolkaasi ka da’ay roobab culus oo sababay fatahaado .
Daadadka ku dhuftay hareeraha magaalada Maoming ee gobolka Guangdong ayaa horseeday in biyaha ay buux dhaafiyaan haro ku taalla beer Yaxaas lagu xanaaneeyo.
Warbixinnada ayaa intaasi ku daraya in hadda la raadinaya 69 Yaxaas oo waawayn iyo 6 yaryar oo markii ugu dambeysay lagu arkay meel u dhow tuulada Peng Cun.
