Guddoomiyaha Maxkamadda Darajada Koowaad Ee Ciidamada Qalabka sida ee Soomaaliya Gaashaanle Sare Xasan Cali Nuur Shuute oo hadal ka jeedinyay shirweynaha Sanadlaha ah ee Garsoorka Soomaaliya ayaa sheegay in Maxkamadda Ciidamada Qalabka sida ay ku guulaysatay waxyaabo badan.
Sidoo kale wuxuu sheegay inay sanadkan Qorshaynayaan in maxkamadda Ciidamada Qalabka sida la gaarsiiyo deegaanada Maamul goboleedyada gaar ahaa deegaanada Maamulka Galmudug oo bilooyinkii la soo dhaafay ay ka dhacayeen dhacdooyin Xanuun badan oo saraakiil Ciidan iyo dad shacab ah lagu dilay.
Guddoomiyaha Maxkamadda darajada Koobaad ee Ciidamada Qalabka sida gaashaanle Sare Xassan Cali Nuur Shuute wuxuu sidoo kale sheegay inay Culays weyn Maxkamadda ciidamada ku tahay shaqooyin dheeraad ah oo loo dhibay maadaama maxkamadihii lahaa iyo sharciyadii lagu dabaqi lahaa aan wali la helin sida sharciga la dagaalanka argagixisada.
DHAGEYSO:Guddoomiyaha maxkamadda ciidamada oo faahfaahiyay dacwadihii la qaaday labadii sano ee la soo dhaafay
