Magaalada Baydhabo ee Xarunta Gobolka Baay waxaa Maanta gaaray wafdi uu hoggaaminayo Wakiilka Qaramada Midoobey u qaabilsan Arrimaha dalka Soomaaliya Amb, James Swan.
Wafdiga ayaa waxaa garoonka diyaaradaha shaati Gaduud ee Magaalada Baydhabo kusoo dhaweeyay Madaxweynaha Koonfur Galbeed Cabdi Casiis xasan Maxamed ( laftagareen) iyo Xubno ka tirsan Maamulkiisa.
Intaasi kadib Madaxweynaha Koonfur Galbeed & Wakiilka Qaramada Soomaaliya Amb, James Swan ayaa xarunta Madaxtooyada waxaay ku yeesheen kulan ay kaga hadleen arrimaha la xiriira doorashooyinka uu muranka ka taagan yahay iyo sida looga gudbi karo caqabadaha jira.
Madaxweynaha Koonfur Galbeed Cabdi Casiis xasan Maxamed ( laftagareen) ayaa la sheegay inuu maalmahaan waday dhex dhexaadin ku saabsan muranka doorashooyinka, isla markaana sigaar ah uu kala hadlay Madaxweynayaasha Maamulada Jubbaland & Puntland.
Wakiilka Qaramada Midoobey u qaabilsan Arrimaha Soomaaliya Amb, James Swan ayaa wararku waxaay sheegayaan in sidoo kale uu booqan doono Maamulada kale ee dalka ka jira, isagoo kala hadli doono xalka gaarista arrimaha doorashooyinka Qaranka.
Khilafka la xiriira doorashooyinka Soomaaliya ayaa weli taagan, kaasoo ka dhashay Guddiga doorashooyinka ay dowladda Magacaawday, waxaana uu xoogeystay markii Xukuumadda Soomaaliya ay ku dhawaaqday in la bilaabayo hirgelinta doorashada ayadoo dhanka aklena wali murankii jiro.
Sidoo kale dadaalkaan xal u raadinta ah ee uu bilaabay Wakiilka Qaramada Midoobey u qaabilsan Arrimaha Soomaaliya Amb, James Swan ayaa waxaa uu kusoo aadayaa xilli uu fashilmay Jadwalkii labaad ee doorashada Aqalka Sare oo ay soo saareen guddiga lagu muransan yahay ee doorashooyinka dadbadan.
Wakiilka QM oo Maanta gaaray Magaalada Baydhabo
