Waxaa Maanta Magaalada Laascaanood ee Xarunta Gobolka Sool lagu soo dhaweeyay taliye ku xigeenkii Ciidanka Somaliland Janeraal Saleemaan Barre Geesood, kaas oo u soo goostay dhinaca Ciidamada xoogagga degaanka ee SSC.
Sarkaalkan iyo Ciidamo uu wato ayaa waxaa Magaalada Laascaanood ku soo dhaweeyay saraakiil katirsan xooggaga SSC, kuwaas oo qayb ka ah dagaallada ka socda duleedka Magaalada Laascaanood
Janeraal Saleemaan Barre Geesood, ayaa sheegay inay ku biiri doonaan isaga iyo Ciidamada uu wato dagaalka looga soo horjeedo Somaliland.
Tan iyo markii uu billowday dagaalka Laascaanood ayaa waxaa Ciidamada Somaliland ka soo goostay oo dhinaca xooggaga SSC u wareegay Saraakiil iyo Ciidamo farabadan oo ka tirsanaa kuwa Somaliland.
