Dowladda Ruushka ayaa adeegga sirdoonka ee Maraykanka ku eedeysay inuu faragelin ku sameeyay kumanaan ka mid ah taleefoonnada nooca iPhone-ka.
Adeegga amniga ee dowladda Ruushka ee(FSB) ayaa laga soo xigtay in taleefoonnada ay isticmaalayeen muwaadiniin u dhashay wadankaasi iyo dibloomaasiyiin shisheeye.
Waxaa eedeynta qayb ka ah in tallaabadan dhanka sirdoonka ay saameyn ku yeelatay taleefoonnada dibloomaasiyiinta ka soo jeedo waddamada Syria , Israa’iil, Shiinaha iyo si guud xubnaha NATO.
Hasa ahaate shirkadda soo saarta taleefoonada iPhone-ka ee Apple ayaan ka jawaabin faragelinta uu Ruushka ku eedeyay Maraykanka.
Waxaa ay dhanka kale shirkaddu iska fogeysay dhaliil uga timid xukuumadda Moscow oo ahayd inay laanta sirdoonka ee Washington kala shaqeysay qorshahan.
