Maxkamadda sare ee dalka ayaa mid aan jirin ku tilmaantay fasax uu maalinka berri ah ku dhawaaqay madaxa isbeheysiga mucaaradka ee Azimio La Umoja-One Kenya Raila Odinga.
Tani ayaa timid ka dib dacwad uu maxkamadda u gudbiyay barasaabkii hore ee ismaamulka Nairobi Mike Sonko.
Garsoore Hedwig Ong’undi ayaa sheegtay in aynan arkin qoraal rasmi ah oo ka soo baxay wasiirka arrimaha gudaha iyo maamulka qaran Prof. Kithure Kindiki kaasoo uu ku shaacinaya in Isniinta ay tahay maalin fasax qaran ah oo ay dadweynaha ka nasanayaan shaqooyinka.
Mr. Odinga ayaa maalmo ka hor taageerayaashiisa u sheegay inaynan berri iska xaadirin goobaha shaqada si ay uga qayb galaan dibadbax uu mucaaradka qorsheynaya.
