Khasaaro kala duwan ayaa ka dhashay qaraxyo miino ah oo saaka lagu qarxiyay Hooyga uu Xaafadda Saban saban ka deggan yahay taliyaha Nabadsugidda degmada Dayniile ee gobolka Banaadir, waxaana ka dhashay khasaaro dhaawac ah iyo burbur hantiyadeed.
Wararka aan helnay ayaa sheegaya in qaraxyada oo labo ahaa uu dhaawac fudud ka soo gaaray taliyaha Nabadsugidda degmada Dayniile iyo taliyihii hore ee Ciidamada nabadsugidda degmadaasi Cumar Cabdi Fiidow iyo askari ilaalo u ahaa.
Wararka ayaa intaasi ku daraya in dad deris la ah Taliyaha NISA ee degmada Dayniile ay qaraxyada ku dhaawacmeen, kuwaas oo la geeyay mid ka mid ah Isbitaallada ku yaalla degmadaasi.
Guriga ay qaraxyada ka dhaceen ayaa waxaa gaaray Ciidamo isugu jira booliis iyo nabadsugid, iyaga oo halkaasi ka sameeyay howlgallo baaritaano ah wallow aysan jirin dad ilaa iyo hadda ay u qabteen qaraxaydaasi.
Faahfaahin ka soo baxeysa qaraxyo lagu weerarray hooyga taliyaha nabadsugidda degmada Dayniile
