Warar lagu baahiyay baraha bulshada ee warbaahinta dowladda federaalka Soomaaliya ayaa lagu sheegay in ciidamada ammaanka ee maamulka Puntland ay dileen madixii howlgallada kooxda Daacish ee deegaannada gobolka bari, oo lagu magacaabi jiray Abuu-Albara Al Amani.
Ninkan ayaa sida ay sheegeen booliiska Puntland, waxaa lagu dilay dagaal dhexmaray ciidamada amniga iyo Al-Shabaab shalay.
Marka laga soo tago sheegashada Puntland ee dilka ninkan, ma jirto cid si madax bannaan u xaqiijineysa warkan.
Warka qoraalka ah ee lagu baahiyay baraha bulshada ee warbaahinta dowladda ayaa sidoo kale waxaa la socda sawir lagu sheegay inuu yahay Abuu-Albara Al Amani.
Puntland oo sheegtay in ay dishay sarkaal sare oo ka tirsan Daacish
