Maxkamadda sare ee dalka laanteeda ismaamulka Meru ayaa soo saartay amar ka dhan ah in xil ka qaadis lagu sameeyo barasaabka dowlad deegaankaasi Kawira Mwangaza .
Garsoore Wamae Cherere ayaa sheegtay in wakiillada golaha hoose ee Meru oo arrintan ku howlan aynan adeegsan hab-raaca habboon ee mooshinka.
Toddobaadkii hore ayay ahayd markii Kawira Mwangaza ay maxkamadda dacwad u gudbisay iyadoo doonaysa in wakiillada laga hor istaago inay ka doodaan mooshinka xafiiska looga saaraya.
Qareenka u doodaya , Elias Mutuma ayaa maxkamadda u sheegay in dokumeentiga mooshinka uu saxiixay qof iska dhigaya karraaniga golaha.
Sidoo kale waxay sheegtay in wakiillada ay u muuqdaan kuwo doodda ka hor go’aan qaatay maadaama mooshinka ay taageereen 68 ka mid ah 69-ka xubnood ee golaha hoose ee Meru.
Mooshinka xika looga xayuubinaya Kawira Mwangaza ayaa waxaa 21-kii bishan golaha u gudbiyay wakiilka deegaanka hoose ee Abogeta West sidoo kalena ah mas’uulka siyaasiyiinta laga tirada badan yahay u qaabilsan dhanka kala dambeynta Dennis Kiogora.
