Waaxda caafimaadka ee ismaamulka Garissa ayaa heegan sare gelisay howlwadeenadeeda ka dib markii kiisaska cudurka daacuunka laga soo tabiyay xerada qaxootiga ee Xagardheer iyo degmada Madogo oo ka tirsan ismaamulka Tana River.
Ilaa iyo hadda waxaa la soo tabiyay xaaladaha daacuunka oo gaaraya 372.
Dowladda hoose ee ismaamulka Garissa ayaa barteeda rasmiga ee Facebook-ga ku sheegtay inay cudurka u dhinteen ugu yaraan saddex qof.
Wasiirka caafimaadka ee Garissa Axmadnathiir Cumar ayaa sheegay inay sare u qaadeen kormeerka gudaha ismaamulkaasi iyo deegaannada u dhow.
Sidoo kale waxaa uu sheegay in hay’adda qaramada midoobay u qaabilsan arrimaha qaxootiga ee UNHCR ay xoojisay dadaallada lagula soconaya xaaladaha caafimaad si loo xakameeyo faafidda daacuunka.
Guddoomiyaha dowladda dhexe u qaabilsan Garissa Boaz Cherutich ayaa sheegay in la qaadaya tallaabooyin lagu xoojinaya nadaafadda sida gacmo dhaqashada.
Waaxda caafimaadka ee Garissa oo soo saartay digniin la xiriirta daacuunka
