Booliiska gobolka Banaadir ayaa ku guuleystay inay gacanta ku soo dhigaan Xuseen Xasan Gaaboow oo lagu eedeeyay inuu faafiyay muuqaallo ku saabsan tacaddiyo uu kula kacayo gabdho aan qaangaar ahayn.
Taliye ku xigeenka ciidanka Booliiska Soomaaliya, janeraal Sakiye Xuseen oo qoraal ay soo dhigtay barteeda rasmiga ee Twitter ku sheegtay in soo qabashada eedeysanaha ay gacan ka gaysteen shacabka oo u soo gudbiyay xogta keentay in la soo xiro.
Eedeysanaha ayaa loo haystaa muuqaal uu barta Tiktok ku faafiyay, muuqaalkaas oo lagu arkayo gabadh dhallinyaro oo la sheegay inuu siiyay daroogo, ka dibna uu tacaddi kula kacay.
Arrintaan ayaa hadal hayn badan dhalisay, iyada oo dad badan oo baraha isticmaala ay ku baaqeen in la soo xiro eedeysanaha oo Muqdisho ku sugan.
Barta Tiktok oo ah aalad ay si wayn u isticmaalaan dhallinyarada ayaa muddooyinkii ugu dambeeyay noqotay aalad loo isticmaalo in lagu soo bandhigo muqaallada tacaddiyada iyo kuwa anshax xumada ah.
Banadir Police has successfully apprehended Hussein Hassan Gaboow who recently posted videos of abuse of underage girl/s on #TikTok.
We thank the public for providing us with information that led to his arrest. @SoPoliceForce @MoISFGS @MOISOMALIA @SomaliPM @TheVillaSomalia pic.twitter.com/b54CsxOTGf
— Zakia Hussen (@ZakiaHussen) November 21, 2022
