Tartanka Qur’aanka Kariimka ah, ayaa lagu qabtay magaalada Dubai ee dalka Isu Tagga Imaaraatka Carabta.
Waxaa tartankaasi ka qayb galay arday ka kala socota caalamka, oo ay ku jiraan kuwo u dhashay Soomaali.
Muniira Cabdulfataax Cabdi oo ay da’deedu tahay 15 sano, ayaa ka mid noqotay ardayda Soomaalida ah, ee kaalin wanaagsan ka galay tartanka.
Waxaa ay wax ka barata dugsiga hoose dhexe Mus’ab Educational Centre ee xaafadda Islii deegaanka Kamkunji ee ismaamulka Nairobi.
Hooyada dhashay Muniira oo layiraahdo Deeqo Mukhtaar, ayaa ka hadashay guusha gabadheeda iyo waqtigii ay ku soo bixisay.
Deeqo ayaa sheegtay iney si wayn ugu faraxsan tahay guusha ay gaartay gabadheeda, iyadoo gaar ahaan xustay sida ay gabadheeda uga soo dhalaashay xifdinta Qur’aanka.
Waxaa ay xustay inay ka caawin jirtay gabadheeda dhanka duruusta, iyo xilliyida ay xaadireyso iskuulka.
