Dowladda hoose ee ismaamulka Kisumu ayaa heshiis maalgashi la saxiixatay shirkad laga leeyahay Ingiriiska oo loo yaqaano United Green.
Barnaamijkan oo ay dhaqaale ahaan ku baxaysa 250 milyan oo doolar una dhiganta 30 bilyan oo shilin ayaa looga gol-leeyahay in sare loogu qaado soo saaridda cuntada.
Mashruucan ayaa socon doono muddo shan sano ah waxaana la doonaya in lagu yareeyo ku tiirsanaanta cunnada laga keeno dalka dibadiisa.
Guddoomiyaha ismaamulka Kisumu Prof. Anyang Nyong’o ayaa sheegay in heshiiskan uu dib u soo nooleyn doono soo saaridda kalluunka , suufka iyo ka ganacsiga caanaha ee Kisumu.
Waxaa uu intaasi ku daray in tani ay horseedaysa in degmooyinka laga sameeyo abuur casri ah.
Sarkaalka maalgashiga ee shirkadda United Green ,Albrecht Frischenschlager ayaa ballanqaaday inay ganacsatada u abuuri doonaan fursado cusub.
