Ciidamada dowladda Soomaaliya, kuwa macawiisleyda iyo dadka deeegaanka ee hubka qaatay ayaa weli waxaa ay howlgallo ka dhan ah kooxda Al-Shabaab ka wadaan deegaano ka tirsan gobollada Hiiraan iyo Galgaduud.
Taliyaha ciidanka dhulka ee Soomaaliya Janeraal Biixi ayaa sheegay in intooda badan laga saaray Al-Shabaab deegaannada iyo degmooyinka Gobolka Hiiraan.
Waxaa uu intaasi ku daray in ay socdaan howlgallada deegaannada Gobolka Galgaduud ay ùga saarayaan ururuka Al-Shabaab.
Taliyaha oo warbaahinta la hadlay ayaa sheegay in Ciidamada xoogga dalka Soomaaliyeed iyo kuwa macawiisleyda ay howlgallada ku dileen 127 dagaalamayaal oo ka tirsan Al-Shabaab.
Waxaa uu u mahadceliyay Ciidamada xoogga dalka Soomaaliya iyo xooggaga macawiisleyda.
Guluf ka dhanka ah kooxda Al-Shabaab ee ka socda Gobollada Galgaduud iyo Hiiraan ayaa sababay in Al-Shabaab ay isaga baxaan deegaano dhowr ah, iyadoo dowladda Soomaaliya ay sheegtay inay ka go’an tahay in meelaha ay ururkan dalka ka joogaan ay ka saarto.
