Iyada oo maanta wadamada kala duwan ee caalamka looga dabaal degaya maalinka haweenka adduunka ayay wasaaradda arrimaha dibadda ee dalka sheegtay in ay garab siin doonto dumarka.
Xuskan ayaa sanad kasta la qabtaa taariikhdu marka ay ku beegan tahay 8-da bisha saddexaad.
Wasaaradda arrimaha dibadda ee Kenya ayaa qoraal ay soo saartay ku sheegtay in ay ka go’an tahay in isbeddel lagu sameeyo tirada jinsiyadda ee wasaaradda.
Sidoo kale waxay wasaaraddu hoosta ka xarriiqday in ay ku dadaali doonto sidii loo sii horumarin lahaa hibooyinka iyo xirfadaha shaqaalaha haweenka ah.
