Ciidanka Xoogga dalka Soomaaliya gaar ahaan guutada 14-ka Oktoober ee ku sugan Magaalada Marka ee Gobolka Shabeellaha Hoose ayaa sheegay in xubno ka tirsan Dagaalameyaasha Al-shabaab ay isku soo dhiibeen Ciidamada.
Laba xubnood oo isku soo dhiibay Ciidanka dowladda ayaa magacyadooda lagu kala sheegay Isaaq Cumar Ibraahim, iyo Qaasim Cabdulaahi Cali, waxayna tilmaameen inay shabaabka u qaabilsanaayeen dhinaca amniyaadka iyo kuwa fuliya dilalka qorsheysan.
Sidoo kale labadaan Nin ayay Ciidamadu Xuseen inay u sheegeen inay Go’aan ku gaareen ka bixitaanka Al-shabaab, isla markaana ay kasoo tegeen deegaankii ay ka howlgalayeen, kadibna ay xiriir lasoo sameeyeen Saraakiisha Ciidanka Xoogga Dalka Soomaaliya, sidaasina ay isku dhiibeen
Taliyaha Ururka 14-aad guutada 14-ka Oktoober ee Ciidanka Xoogga dalka Gaashaanle Cabduqaadir Maxamed Muunye oo la hadlay warbaahinta dowladda ayaa sheegay in labada xubnood ee Al-shabaab kasoo baxsaday ay uga hortageen degaanka shalaanbood, ayna halkaas kasoo wadeen.
Saraakiisha Ciidanka dowladda Federaalka Soomaaliya ayaa waxaa horey isugu dhiibay xubno ka tirsan dagaalamayaasha Al-shabaab, isla markaana soo bandhigay xubnaha qaarkood, weli ma jiro wax war ah oo kasoo baxay dhanka Al-shabaab oo ku aadan Saraakiisha la sheegay inay ka tirsanaayeen ee isku dhiibay Ciidanka Xoogga dalka Soomaaliya eek u sugan gobolka Shabeelada Hoose.
Milatariga Soomaaliya oo sheegay inay rag Shabaab ah isku soo dhiibeen
