Musharraxa madaxweyne ee isbeheysiga Azimio La Umoja – One Kenya , Raila Odinga ayaa lagu wadaa inuu 2-da duhurnimo ee maanta shir jaraaid qabto.
Arrintan ayaa waxaa shaaca ka qaaday xoghayaha Odinga ee dhanka saxaafadda Dennis Onsarigo oo bayaan soo saaray.
Raila ayaa warbaahinta kula hadli doono xarunta shirarka caalamiga ee KICC ee magaalada Nairobi.
Tani ayaa imaanaysa saacado un kadib markii guddiga madaxa bannaan ee doorashooyinka iyo xuduudaha wadanka ee IEBC uu shaaciyay in hoggaanka ugu sarreeya wadanka loo doortay William Ruto oo ay wada tartameen Mr. Odinga.