Madaxweynaha dalka Soomaaliya Xasan Sheekh Maxamuud iyo wafdi uu hoggaaminayo ayaa gaaray Magaalada Arusha ee dalka Tansaaniya, iyada oo halkaasi si wayn loogu soo dhaweeyay.
Waxaa uu madaxweynaha halkaasi kaga qaybgeli doona Shirka dalalka ku mideysan jaaliyadda Bariga Afrika (EAC) kaasi oo ka dhacaya magaalada Arusha ee dalka Tansaaniya.
Madaxweyne Xasan Sheekh Maxamuud ayaa madaxda dalalkaasi uga warbixin doona fursadaha dhaqaale ee dalka Soomaaliya, gaar ahaan dhanka wax soo saarka, maalgashiga iyo dadaallada dhiirigelinta mudan ee ganacsatada Soomaaliyeed.
Madaxweynaha dowladda Soomaaliya Xasan Sheekh Maxamuud oo doonaya inuu qorshahan ka dhabeeyo ee ku biirista jaaliyadda bariga Afrika ee EAC.
Jaaliyadda Bariga Afrika ee EAC ayaa waxaa dib loo aas-aasay sanadkii 2000, iyada oo ay ku mideysan yihiin toddobo (7) dal oo wadaaga suuq-ganacsiyeed ballaaran kaasi oo muhiim u ah dhaqaalaha Gobolka.
Dowladda federaalka Soomaaliya ayaa codsiga ka mid noqoshada dalladdan waxa ay gudbisatay sanadkii 2016-kii.
Rais wa Somalia, Mhe. Hassan Sheikh Mahamud amewasili uwanja wa ndege @KIA_JRO na kupokelewa na Waziri @ViwandaBiashara Dkt. Ashatu Kijaji. Rais Mahamud ni mgeni mwalikwa kwenye Mkutano huo wa 22 wa Wakuu wa Nchi wa EAC utakaofanyika Arusha 22/07/2022 pic.twitter.com/4wS11cewBt
— MFA Tanzania (@mfa_tanzania) July 21, 2022
