Senatar Naciima Ibraahim Yuusuf oo ka tirsan Xubnaha aqalka sare ee Baarlamaanka Soomaaliya ayaa ku baaqday in gurmad amni iyo mid nololeedba lala gaaro shacabka deegaanka Yaaqbari weyne ee Gobolka shabeellada Hoose oo Al-shabaab ay Barakiciyeen.
Deegaaanka Yaaqbari weyne iyo deegaano kale oo hoos yimaada ayaa laga soo tabinayaa Xaalad nololeed waxaana dagaalameyaasha Al-shabaab ay dab qabadsiiyeen baabuur Dhuxul sida iyo qaar ka mid ah Guryihii ay dadku daganaayeen.
Senator Naciima Ibraahim Yuusuf ayaa waxay dowladda Soomaaliya,Maamulka Koonfur Galbeed,Hay’adaha Samafalka iyo dhammaan dadka wax haysta ay ugu baaqday in loo gurmado shacabka Yaaqbari weyne ku nool oo hadda xaalad adag wajahaya
Xildhibaan Aadan Kaladire oo ka tirsan baarlamaanka hirshabeelle ayaa isna sheegay in Alshabaab ay gubeen 21 tuulo oo dhaca xadka ay wadaagaan Maamullada
Xildhibaan kaladire ayaa sheegay in Maamullada Hirshabeelle iyo Koofur Galbeed looga baahan yahay inay talaabo qaadaan
