Xiriirka caalamiga ee kubadda cagta ee FIFA ayaa maanta si rasmi ah u ansaxiyay go’aankii si ku meel gaar ah Kenya looga mamnuucay ka qayb galka tartamada kubadda cagta ee dunida.
Tani ayaa timid ka dib kulan ay FIFA ku yeelatay dalka Qatar.
Waxaa arrintan shaaca ka qaaday madaxweynaha FIFA Gianni Infantino.
Waxaa uu intaasi ku daray in golaha FIFA uu go’aamiyay in xiriirka kubadda cagta ee wadanka ee FKF sida ugu dhakhsiyaha badan looga hakiyo howlaha cayaaraha ee dunida maadaama uu ka tallaabsaday xeerarka u degsan xiriirka FIFA.
Bishii 11-aad ee sanadkii hore ayay ahayd markii wasiirka cayaaraha ee dalka Amina Maxamad ay kala dirtay xoghaynta iyo xubnaha fulinta ee FKF iyadoo soo xigatay wax isdaba marino lacageed.
