Ciidamada booliska ee dalka Afghanistan ayaa sheegay in ugu yaraan 5 qof ay ku dhinteen ilaa saddex qarax oo laga fuliyay gudaha caasimadda wadankaas ee Kabul.
Afhayeenka booliska magaalada Kabul Ferdaws Faramarz ayaa laga soo xigtay in labo qof oo kale ay dhaawacmeen.
Waxaa uu warbaahinta u sheegay in labada qarax ee ugu horreeyay ay u dhexeysay 15 daqiiqo halka midka saddexaad oo baabuur lala eegtay uu dhacay labo saacadood ka dib.
Ilaa iyo hadda ma jirto cid sheegatay mas’uuliyadda weerarradan bambooyinka loo adeegsaday iyada oo ciidamada ammaanka ee Afghanistan ay guda galeen baaritaano ku aaddan si xaqiiqda loo ogaado.
