Saraakiisha ammaanka ee ismaamulka Samburu ayaa xalay xiray 40 qof oo lagu eedeyay in aynan u hoggaansamin xeerarka lagu xakameynayo faafitaanka cudurka COVID19.
Tani ayaa timid ka dib howlgal ay boolisku ka fuliyeen goobaha lagu caweeyo ee magaalada Maralal .
Taliyaha booliska ee bartamaha ismaamulka Samburu Alex Rotich ayaa warbaahinta u sheegay in eedeysanayaasha la qabtay abaare 11.30 ee habeenimo.
Tuhmanayaasha oo sidoo kale loo haysto in aynan kala fogaan xilligii ay ku sugnaayeen goobaha laga soo qabtay ayaa la filayaa in berri la soo taago maxkamadda magaalada Maralal.
Mr. Alex Rotich oo ka hadlaya howlgalka lagu soo qabtay eedeysanayaasha ayaa yiri
Mulkiilayaasha xarumahan ayaa dhankooda lagu soo oogi doonaa dacwad ah inay shaqeynayeen ka dib 11-ka habeenimo oo ah wakhtiga kama dambeyska ah ee la oggol yahay in goobaha lagu caweeyo ay furnaadaan.
