Madaxweynaha dalka Iiraan Xasan Ruuxaani ayaa sheegay in aan isbeddel lagu sameyn doonin qodobbadii qaybta ka ahaa heshiiskii nukliyeerka ee sanadkii 2015-kii.
Xukuumadda Tehraan ayaa xilligaas heshiiskan la saxiixatay qaar ka mid ah wadamada ugu awoodda badan caalamka.
Waxaa uu Xasan Ruuxaani gaashaanka u daruuray soo jeedino ah in la ballaariyo shuruudaha oo heshiiskan lagu soo daro wadamada gobolka.
Sacuudi Carabiya ayaa dhankeeda ku baaqday in kaalin laga siiyo wada-hallada dambe ee ku saabsan is-afgaradkan.
Madaxweynaha Maraykanka Joe Biden ayaa horay u carrabaabay in xukuumadda Washington ay heshiiskan dib ugu laaban doonto maadaama uu horay kaga saaray Donald Trump oo Iiraan ku eedeyay in aynan daacad ka ahayn barnaamijkeeda nukliyeerka.
