Saraakiisha ammaanka ee ismaamulka Kakamega ayaa gacanta ku dhigtay 12 arday ah oo dhigta dugsiga sare ee wiilasha ee Ingotse.
Ardaydan oo lagu eedeyay in ay isku dayeen inay dab qabadsiiyaan xaruntaas ayaa saldhigga booliska lagu hayn doonaa 14 cisho.
Wararka ayaa intaas ku daraya in ardaydan la qabtay iyagoo sita nooca shidaalka ee loo yaqaano batroolka.
Ciidamada ammaanka ayaa ku eedeyay in ay qorsheynayeen inay dugsiga ay wax ka bartaan gubaan.
Waxaa la soo taagay maxkamadda Kakamega iyadoo dacwadda lagu soo oogay uu dhageystay garsoore sare Erick Malesi.
Dacwadda ay ardaydan wajahayaan ayay mar kale maxkamaddu soo hadal qaadi doontaa 15-ka bishan.
