Madaxweynaha Jamhuuriyadda Federaalka Soomaaliya Maxamad Cabdullaahi Farmaajo oo tixgalinaya xaaladda siyaasadeed iyo amni ee dalkaasi iyo baahida loo qabo in la gudagalo qabsoomidda doorashadii lagu heshiiyey waxaa uu soo saaray go’aanadan:
1- Madaxweynuhu wuxuu shir iskugu yeerayaa madaxda Dowlad Goboleedyadda dalka Soomaaliya iyo Gobolka Banaadir.
2- Shirkaas waxaa lagu qabanayaa magaalada Dhuusamareeb ee caasimadda Dowlad Goboleedka Galmudug.
3- Shirkan wadatashiga ah waxaa uu socon doonaa inta u dhaxaysa 1-da ilaa 3-da bisha Labaad ee sanadkan oo ay laba cisho naga xigto.
4- Shirka wadatashiga ee Madaxweynuhu isugu yeerayo Madaxda Dowlad Goboleedyada, waxaa saldhig u ah heshiiskii 17-ka bishii Sagaalad ee sanadki hore laga gaaray hannaanka doorashooyinka, ayna meelmariyeen Labada Aqal ee Baarlamaanka Federaalka Soomaaliya.
5- Madaxweynuhu isaga oo gudanaya waajibkiisa Dastuuriga ah wuxuu 5-ta bisha Labaad, 2021 shir degdeg ah isugu yeerayaa xubnaha Labada Aqal ee Baarlamaanka Fedraalka Soomaaliya, si uu warbixin uga siiyo xaaladda guud ee dalka iyo gaar ahaan doorashooyinka dalka Soomaaliya.
Madaxweyne Farmaajo oo shir wadatashi ah isugu yeeray madaxda dowlad goboleedyada iyo gobolka Banaadir
