Weerar loo adeegsaday bambo gacmeed oo ay ku dhaawacmeen Saddex xildhibaan oo ka tirsan baarlamaanka Hirshabeelle ayaa xalay ka dhacay magaalada Jowhar ee caasimadda Hirshabeelle.
Weerarka bambo gacmeedkaa halka lagu tuuray ayaa ah xaafad ay si weyn u deggan yihiin musharraxiinta iyo xildhibaannada baarlamaanka ayna ka fogeyn huteellada waaweyn ee magaalada.
Xaaladda Caafimaad ee xildhibaannada ayaa la sheegay in ay soo hagaageyso, waxaa la sheegay in dhaawacyadooda ay fudud yihiin.
Howlgalo dadka guryaha loogu galayo ayaa saaka ka socda xaafadda Hanti-wadaag gaar ahaan laanta koowaad ee magaalada Jowhar halkaas oo uu xalay ka dhacay Qaraxa bam gacmeedka.
Ciidamada ayaa la soo sheegayaa in ay dhallinyaro badan guryaha kala baxeen.
