Wasiirka Wasaaradda Amniga dowlad Goboleedka Galmudug Axmed Macalin Fiqi ayaa sheegay in Galmudug iyo Puntland ay iska kaashan doonaan sidii loo soo afjari lahaa Xubnaha ka tirsan Ururka Al-Shabaab Ee ku sugan degaanno ka tirsan Koonfurta Galmudug.
Waxaa uu hadalkiisa uu intaasi ku daray in Ciidamada Puntland & Galmudug ay ka go’aan tahay sidii loola dagaalami lahaa Al-Shabaab, waxaana uu si cad u sheegay inay yaraatay awoodda kooxdaasi.
Wasiir Fiqi ayaa sheegay in dagaalkii degaanno ka tirsan koonfurta Gobolka Mudug ka dhacay Al-Shabaab looga digay in ka badan 250 dagaalyahan, waxaana uu qiray inay dhawaan Al-Shabaab qabsadeen Gaadiid dagaal.
Dhinaca kale Wasiirka Wasaaradda Amniga dowlad Goboleedka Galmudug ayaa uga digay dadka lacagaha siiya Al-Shabaab, waxana uu sheegay in dadkaasi lala xisaabtani doono.
