Waaxda saadaasha hawada ee dalkani Kenya ayaa sheegtay in laga cabsi qabo laga billaabo maanta inay dabeylo xooggan saameeyaan 15 ka mid ah ismaamullada wadanka.
Deegaannadan ayaa ku yaalla gobollada xeebta , waqooyi galbeed iyo bariga.
Agaasimaha waaxda saadaasha hawada ee dalka Stella Aura ayaa dowlad deegaanada loo cabsi qabo ku sheegtay Marsabit, Turkana, Samburu, Isiolo, Mandera, Wajeer, Garissa, Kitui, Makueni, Taita Taveta, Tana River, Lamu, Kilifi, Mombasa iyo Kwale.
Dadka ku nool ismaamulladan ayaa lagu boorriyay inay feejignaan dheeraad ah muujiyaan oo ayna ka digtoonaadaan hirarka badweynta Indian Ocean.
