Mareykanka ayaa sheegay inuu ka warqabo weerarro dheeraad ah oo lagu qaaday Garoonka Diyaaradaha Caalamiga ah ee Boqor Khalid ee magaalada Riyadh, iyo weerar si gaar ah loogu bartilmaameedsaday Garoonka Diyaaradaha Caalamiga ah ee Boqor Fahad ee magaalada Dammam, kuwaas oo dhacay 11-kii Oktoobar oo shalay ahayd.
Dowladda Mareykanka ayaa shaqaalaheeda ku sugan Sacuudiga ku waajibisay inay helaan oggolaansho gaar ah ka hor inta aysan adeegsan Garoonka Boqor Khalid ee Riyadh, iyo garoomada diyaaradaha ee Jeddah iyo Dammam.
Mareykanka ayaa dadka ugu baaqay inay taxaddar dheeraad ah muujiyaan marka ay adeegsanayaan garoomada waaweyn ee diyaaradaha ee Sacuudiga.
Sidoo kale, muwaadiniinta Mareykanka ayaa looga digay suuragalnimada in duullimaadyada la baajiyo, hawada la xiro iyo safarradu ay hakad galaan.
Dowladda Mareykanka ayaa kula talisay dadka safraya inay si toos ah uga hubiyaan shirkadaha diyaaradaha iyo maamulka garoomada xaaladda duullimaadyadooda, iyadoo xustay in gaadiidka dhulka sida baabuurta gaarka loo leeyahay, tareennada iyo basasku ay noqon karaan beddello lagu safro.
