Guddoomiyaha Maamulka Gobolka Hiiraan Cali jeyte Cismaan ayaa wax lagu xumaado ku tilmaamay dilalka aanooyinka qabiil ku salaysan ee maalmihii la soo dhaafay ka dhacayay wadada u dhaxeysa Magaalooyinka Beledweyne iyo Dhuusamareeb ee gobolada hiiraan iyo Galgaduud.
Guddoomiye Jeyte ayaa ehelladooda uga tacsiyadeeyay Darawalada Gaadiidka oo sida gooni gooni ah loogu dilay wadada Magaalooyinkaas Xariirisa, waxaana uu tilmaamay in dadka isdilaya ay yihiin kuwo ehel ah oo iswada dhalay lagama maarmaana ay tahay in arinatas Xalkeeda la keeno.
Gudoomiyaha gobolka Hiiraan Waxaa uu ugu baaqay Maleeshiyaadka ay Colaaduhu ka dhaxeeyaan in wax walba ay miiska wadahadalka ku dhameeyaan, isla markaana Maamulka Gobolka Hiiraan uu gacan ka geysan doono.
Todobaadyadii la soo dhaafay ayaa waxaa degaano hoostaga degmada Matabaan kajirta Colaad Beeleedyo, iyada dhowr qof oo Shacab ah la dilay.
