Ugu yaraan afar qof ayaa dhintay ka dib markii dhisme uu ku dumay xaafadda Blue Estate ee deegaanka Shauri Moyo ee Nairobi, intii lagu jiray isku day lagu burburinayay marinka webiga Nairobi, sida ay sheegtay Wasaaradda Arrimaha Gudaha.
War saxaafadeed ay soo saartay Isniintii ayay wasaaradda ku sheegtay in howlgallada raadinta iyo samatabbixinta ay socdeen ka dib markii dhismaha, oo ku yaal maamul hoosaadka Kamukunji uu burburay.
Wasaaradda ayaa sheegtay in dhismaha uu ka mid ahaa kuwa loo qoondeeyay in laga saaro meesha si loo sii wado mashruuca dib u soo nooleynta webiga Nairobi, kaas oo uu fulinayo Guddiga Webiyada Nairobi.
Wasaaradda ayaa war bixin ay soo saartey ku sheegtay in afar qof ay ku dhinteen dhismahan halka afar kale la soo badbaadiyay iyadoo intaa ku dartay in tirada dadka laga yaabo inay weli ku xayiran yihiin aan la garanayn.
