Golaha Wasiirada ayaa Talaadadii ansixiyay sii deynta 4.1 bilyan oo shillinka dalka ah si loo kordhiyo wax ka qabashada abaarta ee Waqooyiga dalka.
Golaha Wasiirada ayaa ku dhawaaqay in lacagahan ay gacan ka geysan doonaan gargaar lagu qiyaasay 3.3 milyan oo qof oo hadda wajahaya cunto yari ba’an, iyadoo abaartii ugu xumayd ee dalka ay halis ugu jirto inay ka sii darto.
Golaha Wasiirada ayaa saadaaliyay in tirada ay gaari karto 3.6 milyan marka la gaaro bisha Juun ee sanadkan haddii aan la qaadin faragelin degdeg ah.
Ismaamullada Mandheera, Wajeer, Kwale, iyo Kilifi ayaa ku jira marxaladda ugu daran ee abaaraha halka 12 dowlad deegaan ay ku jiraan marxaladda digniinta kuwaas oo kala ah Gaarisa, Tana River, Marsabit, Turkana, Meru, Samburu iyo Isiolo.
Nafaqo xumada ba’an ayaa sidoo kale sii kordheysa, taasoo saameysa in ka badan 810,000 oo carruur ah iyo 104,000 oo haween uur leh iyo kuwa nuujinaya, oo ay weheliyaan kooxo kale oo nugul.
Sii deynta lacagtan ayaa timid ka hor safarka saddexda maalmood ah ee Madaxweyne Ruto uu ku tagayo Waqooyiga dalka.
