Digniin cusub oo uu soo saaray Guddiga Qaran ee Xuquuqda Aadanaha ee (KNCHR) ayaa muujinaysa in rubuci hore ee 2025-ka ay ka muuqatay mowjado walaac leh oo weeraro ah oo loo geystay haweenka iyo gabdhaha, iyadoo in ka badan 100 kiis oo dil ah laga soo sheegay dalka oo dhan.
KNCHR ayaa sheegtay in tiradaas ay muujinayso khatar sii kordheysa oo soo wajahday qoysaska isla markaana soo bandhigaysa daciifnimada sida dalka uu uga jawaabayo rabshadaha.
Guddiga ayaa sheegay in aamusnaanta ay ka tagtay su’aalo badan oo aan laga jawaabin iyadoo qoysaska ay sugayaan tallaabo cad oo ka timaadda dowladda.
Guddoomiyaha guddiga Claris Ogangah ayaa tilmaamay arrimaha bulshada ee ballaaran ee ka dambeeya rabshadaha, oo ay ku jiraan la’aanta taageerada dhallinyarada.
KNCHR ayaa sheegtay in dad badan oo badbaaday iyo qoysas ay saameysay ay wali la halgamayaan baaritaanno aan dhammaystirnayn iyo horumar gaabis ah oo ku saabsan kiisaska la soo sheegay.
Guddigu ayaa ugu baaqay Adeegga Qaran ee Booliiska (NPS) inuu si degdeg ah wax uga qabto oo uu hubiyo in kuwa ka dambeeya weerarrada la xiro oo la maxkamadeeyo iyada oo aan dib loo dhigin.
